Ka Dorbar Dong Lumchyrmang Mihmyntdu da pynbna ko ya ki kyndon yalap Election deiwa kyntu ko ya waroh wow sñiawbha phi u ya krehlang wa ka dorbar dong wow wanrah ya i chongsuk chongsaaiñ hapoh ka dong kamjooh yow pynman ya ini i thmu iwa jop.
Ki kyndon man ki kamni ha wah:
Ka Dorbar Dong Lumchyrmang Mihmyntdu u pdiang ko ya waroh ki kyrtong wow wan pynap pynsñiaw ya kiwa chong dong ya ki yurim kiwa yieñ yaleh ki.
U chah ya ki u pynman ya ka yalang yalap Election leh katkam ka aiñ yong ka sorkar wa da booh.
Ka Dorbar Dong Lumchyrmang Mihmyntdu u chah ko du ya ki khon yong ka dorbar dong næ ka Dorbar Chnong Pyllun Mihmyntdu u wan cha ki yalap Election MLA 2023 kiwa pynman hapoh ka dong.
Ya ka yalang u pynlai da ka dorbar dong donhi.
U chah u klam du 5 ngut don hi wei kitæ toh uwi u khon yong ka chnong pyllun, uwi na ka dorbar dong, uwi na ka Primary Unit Dong, uwi uwa kyrchaan u kyrtong uwa ye u man uwa na baar ka chnong wa u kyrtong ka Party.
U chah ya ki kari khian (Light Motor Vehicle) du 10 tylli donhi wa kynthup lang ya ka yong u kyrtong.
Ym chah ya ki kari yow psiah chapoh ka dong kiwa yong ki khon yong ka Dorbar Chnong Pyllun Mihmyntdu ha katai ka sngi/miet wa u kyrtong wan u chapoh ka dong.
Ym chah leh ya ki bru kiwa na baar chnong wow wan ki cha kani ka yalang lait noh kitu ki kari kiwa da boodlang wa u kyrtong.
48 kynta chwa ka sngi thap Vote katkam wa da rai da ka Election Commission ym chah ya kiwon kiwon ki bru wa na baar dong næ na baar chnong wow psiah wow mih ki chapoh ka Dorbar Dong Lumchyrmang Mihmyntdu.
Lada chem ya kiwon kiwon ki bru kiwa yaleh pyrchah neiliang ka Dorbar Dong daw pynchitom ko ya kini wei daw e kti ya ki cha ki bor yong ka aiñ sorkar.
Ini toh katkam wa pyntip da u Waheh Dong wa na u General Secretary ka Dorbar Dong Lumchyrmang Mihmyntdu.
