Ka seiñ kiwa sikai skur Adhoc ha Meghalaya kawa tip kam ka Federation of All School Teachers Of Meghalaya (FASTOM) da pynman ko ya ka General Meeting yong ka ha ka 13 tarik uni u bnai ha Dobasipara Hr. Secondary School, Tura yow yaklam yei dawa yong ka kiwa da phah cha ka sorkar Meghalaya nadooh u snem 2022 ter ter yow pynku kyrdan Deficit ya waroh ki skur Adhoc ha Meghalaya nadooh Lower Primary, Upper Primary, Secondary hadooh Higher Secondary School.
Ha kani ka yalang da yaklam leh heiyatoh wa ka State Education Commission wa ka sorkar da thung ko ha u snem 2022 dei thmu wow pait yei dawa wa i eh yong ki seiñ waphær waphær wa kynthup yei dawa yong ka Federation tangwa kamwa da yoo da sepai wa lai ki le snem chiteiñ khlem da leh iyi iyi yei dawa ka Federation wei kamwa yoo da em du ka Discussion Paper kawa khlem klam iyi iyi ya ki mat dawa wa iwa da tyrwa cha ka Commission la kamwa le næ soo sien.
Hajrong ini wym bna wym mano ka sorkar, ka FASTOM da chim ko yei rai wow pynman noh dei yakhih deiwa mih biang cha sarok kam i dak wow pynsñiaw yei wym hun yeini wa leh ka sorkar.
Ka yakhih man ko kawa khlem da booh por deiwa sdang da ka lai Rally ka wow sdang na madan Malki, Shillong ha ka 22 tarik uni u bnai heipor 11:00 waje i step wei ka yakhih daw pynman leh ha Garoh Hills da ka Sit-in-Demonstration ha ka 24 tarik.
I pyntip na u E.G. War, Publicity Secretary ka FASTOM.
Discussion about this post