U Chairman ka Jowai Municipal Board (JMB), u Lasooki Lakiang uwa dang dep thung biang da ka sorkar, da pyntip u wa ini wadep em hi i thut wei da ood leh ki paidbah kiwa chong chnong ka Jowai neidaw wym ye wow lai kit jhep wot hadien wa da pynmih hukum ka High Court wow kit yei jhep le sien chi tayaw wei ini toh neidaw wa slem ka sorkar wow pynbna wa da thung biang ya u Chairman neidaw wa em ka Election wei oo ini wadep da man u kam u Chairman 10 bnai.
Kamtæ da pyntip u wa ka JMB da pynbait ko wa u kit noh yei jhep le sien chi tayaw itæ ha ka sngi Monday, Wednesday wa Friday heiwa ha ka sngi Monday wa Friday u kit yei jhep wa pyut (Wet Waste) katwa ha ka sngi Wednesday won u kit yei jhep wym pyut (Dry Waste).
Da pyntip u leh wa ka JMB kattæ em ko 4 tylli ki Truck kiwa dang krehkaam heiwa kini toh 3 tylli kiwa dang yoh thymme wa kawi ka Truck Compactor wei em leh sa kawi ka Truck kawa da rim tangwa kani toh kawa khlan sih, kamtæ da ong u wa ym ye wow li kit na waroh kawi ka chnong Jowai ha chi sngi donhi tangwa kattæ leh pyrchang wei da kyrpaad u ya ki paidbah wow yai chah ki neibhah da yooluti wa hadien wa kut uni u bnai daw yoh sa artylli ki Truck wa thymme yow man noh 6 tylli ki Truck yow ye u lai waroh kawi ka chnong Jowai.
Da kyntu u leh ya ki paidbah wow yabhah ki yei jhep hapyrdi kiwa pyut wa ki wym pyut.
Da ong u leh wa da yooluti wa daw yoh noh yei thaw noh jhep (Landfill) da iwa miat wei kani man ko ka thong yong oo wei manda kut ka dorbar mang tangka ka sorkar jylla, daw yoh wow yachem wa u Montri ka chnat Urban Affairs wa kamjooh leh wa u MLA ka Jowai yow pynbait nadong chadong yeiwa emkaam kani ka Landfill.
Heiyatoh wa i rukom kit jhep man i kamni ha wah:
