U montri rangbah ka jylla Manipur, u Biren Singh ynne ka sngi da pynbna u ya ka Chief Minister Bal Seva Scheme neibynta ki khynnah kiwa da chah ieh khonswet neidaw u COVID-19 heiwa da dooh ki ya ka bei næ u pa næ pyn ar ngut neidaw kani ka khlam.
Ki laad yarap lyngba kani ka Scheme kynthup ki ya ka poisa cha kiwa ri wa sumaar (da kiwa hayung næ ki beipun/papun) ya kini ki khynnah (ym toh ha ki thaw ri khynnah) u yoh ki T. 2000 chi bnai katkam ki kyndon ka aiñ heiwa ka sorkar pyrdi u e ko T. 1800 katwa ka sorkar jylla won u e ko T. 200. Hajrong kani ka T. 2000 ka sorkar jylla u e ko sa T. 1500 (iaw man samen u yoh yarap ki T. 3500), iwa man wa waroh ka sorkar jylla da yarap ko T. 1700.
I yada yei man hok ya ki thaw:
Ki khynnah ym emkaam ki wow su ya ka Stamp Duty heipor wa Register ki ya i thaw lada i thaw toh i yong ka bei næ u pa wa da khlaad wei daw pynlait leh ya ka dan hadooh wa dap ki 21 snem i rta.
Ki khynnah wa em hapoh 10 snem ki wym em de kiwa ri ki:
Lada ki khynnah kiwa hapoh 10 snem kiwa ym em kiwa ri wa sumaar ya ki, daw ri ya ki ha ki Child Care Institution ka sorkar pyrdi heiwa daw e yarap ka sorkar pyrdi T. 2160 samen chi bnai.
I yarap ya ki khynnah kynthai:
Heiyatoh wa i puræ ki khynnah khynnah, da em ki Kasturba Gandhi Balika Vidyalaya (KGBV) kiwa man kam ki Residential School neibynta ki kynthai heiwa ka bai skur man ko mynkna.
I e yarap da ki Laptop
Daw e leh ya ka Laptop cha ki khynnah skur kiwa lai puræ palat Class 11 wa College wa kiwa chah hikai bniah (Vocational Training) hadien wa pyndep ki ya ka Class 10.
