Ka Meghalaya Cricket Association (MCA) da pynbna ko ya kiwa yalehke kiwa da chah jied wow mihkhmat cha ka 2021 Syed Mushtaq Ali Trophy.
Kani leh man ko kam ka T20 Tournament kawa daw sdang ha ka 27 tarik uni u bnai heiwa ka Meghalaya daw pynman ya ki yalehke yong ka ha chnong Vijayawada. Kiwi dei kiwa emlang ha ka jooh ka dhab (Group) toh ka Tripura, Vidarbha, Nagaland, Manipur, Sikkim, Arunachal Pradesh wa ka Mizoram.
Na ki 20 ngut kiwa da chah jied da em leh ki warim wa kiwa thymme. Na kiwa da jooh chah jied da em u Jason Lamare, u Dippu Sangma deilang wa u Punit Bisht uwa da man kam u Guest-Professional Player ka Meghalaya nadooh was dang ko wow chimbynta ha ki yakob nadooh ka samoi 2018-19. Ynnin u snem, u Bisht da yoh u ya kawa ar wa boon dooh i kamai Run ha ka Syed Mushtaq Ali Trophy deiwa yoh 146 (Not Out).
Sa uwi u Guest Player toh u Ravi Teja (uwa katni da yaleh la le samoi wa ka Meghalaya) wa uwi uwa dang thymme u Chiraj Khurana (28 snem) All-rounder uwa daw mih heithaw u Sanjay Yadav. U Khurana toh uwa na Haryana wei da jooh yalehke u ya ka Maharashtra.
Ka samoi yaleh Cricket ynnin u snem da thut bha ko heiwa ya ka Ranji Trophy da chah pyndam ko neidaw ka khlam COVID-19. Da ye wow pynman du ar tylli ki Tournament kitæ ka Vijay Hazare Trophy (One Day Tournament) waka Syed Mushtaq Ali Trophy kawa da ye ka Meghalaya wow jop le tylli ki yalehke.
Kiwa yalehke ka Meghalaya ha ka Syed Mushtaq Ali Trophy: Kishan Lyngdoh, Kilco Marak, Larry Sangma, Wanlambok Nongkhlaw, Md Nafees Siddique, Yogesh Tiwari, Anish Charak, Riboklang Hynniewta, Jason J Lamare, Ram Gurung, Hemant Phukan, Rohit Shah, Welmanson Passah, Johny M Sangma, Akash K Chaudhary, Chengkam Sangma, Dippu Sangma, Punit Bisht, Ravi Teja, Chirag Khurana
Meghalaya Support Staff: Dheeraj Jadav (Head Coach), Sudesh Pradhan (Assistant Coach), Surojit Biswas (Physio), Himmat Singh (Trainer), Chiang D Shira (Manager).
