Ka sorkar Meghalaya da pynbna ko ya ka Screening Committee yow jied ya ki skur wow man kam ki PM SHRI School hapoh ka jylla.
Kani ka Committee u kynthup lang ko ya u Commissioner & Secretary ka Education Department & State Mission Director, SSA-SEMAM kam u Chairman; u State Project Director, SSA-SEMAM & Director of School Education & Literacy kam u Member Secretary wa u Secretary ka Education Department: Educational Research & Training, u Secretary ka Education Department: Higher Education, u Deputy Secretary ka Education Department wa u Deputy State Project Director, SSA-SEMAM u man ki kam ki dkhot.
I kaam kani ka Committee toh wow pynsakhiat yei kam wei yei emhok ki skur kiwa kwah wow chah jied yow phah yei pyrtuid ki cha ka sorkar pyrdi yow yoh ki wow man kam ki PM SHRI School neibynta ka Phase-II.
Ka PM SHRI School (PM Schools for Rising India) toh ka Scheme ka sorkar pyrdi deiwa mang wow pynchna ya 14,500 tylli ki skur wow man ki kam ki PM SHRI School kiwa pynlai chwa da ka sorkar pyrdi, sorkar jylla kamjooh da ki chnong leh.
Kini ki skur da booh thong wow man ki kam kitæ ki chlem e sikai wow ktik yei bor pyrkhat, kiwa e sikai boon jait wei kiwa biang lut nadong chadong yow pynproh yei jabieñ kamjooh i doh i pran.
Kini ki skur u man ki leh kam chibynta ka National Education Policy 2020 wei daw pynmyntoi ko ya 20 lak ngut ki khynnah wei u pynkrehkaam ya kani ka PM SHRI School Scheme neibynta 5 snem nadooh u 2022-23 haddooh u 2026-27.
