Ka Senior Men Selection Committee ka Meghalaya Cricket Association da pynbna ko yei pyrtuid ki 25 ngut kiwa yalehke kiwa daw mihkhmat ya ka jylla ha kani ka Ranji Trophy kawa da sdang nadooh ka 10 tarik uni u bnai.
Ya ka Meghalaya da booh lang ya ka deilang wa ka Gujarat, Madhya Pradesh wa Kerala hapoh ka Elite Group A, wei ki yalehke daw pynman ha Rajkot, Gujarat.
Ka BCCI dang ynnin da pyntikna ko wa ya kani ka Tournament daw pynman ya ka tangwa neiliang kiwa yalehke Cricket ka Meghalaya da pynman ki yei pynkreh deiwa yooluti wow sdang noh ya kani ka yalehke.
Ka pynkreh namo ka Preparatory Camp daw pynman nadooh ka 6 tarik uni u bnai hadooh ka 8 tarik uni hi u bnai ha MCA Ground, Polo. Kiwa yalehke na Garo Hills daw wan ki ha ka 5 tarik. Ki 3 ngut ki Guest Professional Players kitæ u Punit Singh Bisht, u Chirag Khurana wa u DB Ravi Teja daw wan bait ki ha ka 10 tarik ha Rajkot.
Kiwa yalehke ka Meghalaya neibynta kani ka Ranji Trophy: Punit Singh Bisht, Chirag Khurana, DB Ravi Teja, Akash Kumar Chaudhary, Dippu Sangma, Kilco Marak, Md Nafees Siddique, Aryan Bora, Nick Dan, Purajit Mandal, Chengkam Sangma, Bamanbha Shangpliang, Prolin Phanjom, Tengchan Sangma, Wanlambok Nongkhlaw, Wallamjohn Lyngdoh Kynshi, Himan C Phukan, Wellmanson Passah, Lerry Sangma, Kishan Lyngdoh, Shaisngi Lyngdoh, Morningstar Khongwir, Ram Gurung, Anish Charak, Pringsang Sangma
Meghalaya support staff: Dheeraj Jadav (head coach), Himmat Singh (trainer), Surojit Biswas (physio), Roof Raja Nongsiej (manager), Sudesh Pradhan (assistant coach).
