Ka Meghalaya Football Association da pynbna ko ya kiwa yalehke wa da chah jied wow mihkhmat cha ka Junior Boys’ National Football Championship 2025 (Tier 1) yong ka Dr. BC Roy Trophy.
Kani ka Tournament toh kawa daw pynman ha Amritsar wei ka Meghalaya da em ko hapoh ka Group B deilang ka West Bengal (Defending Champion), ka Kerala wa Tamil Nadu heiwa daw yachem nyngkong wa ka Kerala ha kani ka 21 tarik.
Kini ki 20 ngut kiwa da chah jied toh kiwa da pynyoo yei sap yong ki wei kiwa da pynkhreh wow e reiñ hei yahkhmat u Seibor Sana kam u Coach.
Da pyn-eh-daw ya kini kiwa yalehke chwa wow mih ki da ka yalang wa da emlang u President ka MFA, u Hamlet Dohling, u Vice-President, u Cliff Nongrum wa u Executive Member, u Freddy Kharpran kiwa da e ki kyntien e mynsien wei pynchlur yow poi cha ka thong.
Ynnin u snem ka Meghalaya ym em ye ko wow lai chakhmat heiwa da rem ko pyn hapoh ka Group Stage deiwa yoh wa le ha ka Group C.
Kiwa yalehke ka Meghalaya:
Danehskhem Ronghang, Dasuk Banphrang Diengdoh, Skhemlang Marthong, Medonbanshan Kurkalang, Robindor Kyrsian, Venand Brandon Marboh, Baniar Kharsahnoh, Mewanpyntngen Lyngkhoi, Prosperwell Ryntong, Yeomanlyson Shadap, Shanborlang Khongjee, Melvinstar Lyngdoh Nongbet, Clifford Buam, Marc R Marak, Alvin Kharbani, Chanjib Chetry, Aiborlang Mulieh, Seibok Lyngdoh, Aryan Nongkhlaw, Thrisilbirth A Sangma
Support staff: Seibor Sana (Head Voach), Henry Marboh (Assistant Coach), Banshailang Sohtun (Manager), Diangtihun Kharkongor (Physio)
Meghalaya fixtures:
vs Kerala, 21 July
vs West Bengal, 23 July
vs Tamil Nadu, 25 July
Discussion about this post