Hadien wa da lehbha ha ka Syed Mushtaq Ali Trophy (T20) wa ha ka Vijay Hazare Trophy (One Day), ka Meghalaya daw pynman ko yei pynkhreh namo ka Preparatory Camp neibynta ka First-Class Ranji Trophy ha Puducherry nadooh myntu ka sngi.
Ya ki 22 ngut kiwa yalehke da pynbna da u Honorary Secretary ka Meghalaya Cricket Association, u Gideon Kharkongor.
Ka Meghalaya ini wa dep da yoh wa ar ko ha waroh ar kitai ki Tournament wa da kdaw haneiñ hapoh ka Plate Group wei daw pyrchang leh wow lehbha ha kani won ka jait yalehke wa jrong dooh.
Kiwa daw chimbynta ha ka Ranji Trophy da man ki ki jooh wa da lai chimbynta chwa ini wa dep ha ki ar Tournament wa yahkhmat da ki Guest Professionals u Punit Bisht (Captain), u Chirag Khurana wa u Ravi Teja. Napoh ka jylla da em u Kishan Lyngdoh uwa daw yooluti wow leh bha u ha ki yalehke wa soo sngi kamwa leh u ha ka T20, u Dippu Sangma, u Akash Kumar Chaudhary, u Md Nafees Siddique, u Aryan Bora wa u Hima Phukan daw chim ki yei kaam da ka bol.
Ka Ranji Trophy toh kawa da booh wow sdang ha u 05-01-21 heiwa ki yalehke (Plate Group) daw pynman ha Chennai.
Kiwa yalehke ka Meghalaya ha ka Ranji Trophy: Punit Singh Bisht, Chirag Khurana, DB Ravi Teja, Akash Kumar Chaudhary, Dippu Sangma, Kilco Marak, Md Nafees Siddique, Aryan Bora, Nick Dan, Purajit Mandal, Chengkam Sangma, Bamanbha Shangpliang, Prolin Phanjom, Tenchan Sangma, Wanlambok Nongkhlaw, Wallamjohn Lyngdoh Kynshi, Himan C Phukan, Wellmanson Passah, Lerry Sangma, Kishan Lyngdoh, Shaisngi Lyngdoh, Morningstar Khongwir
Meghalaya support staff: Dheeraj Jadav (head coach), Himmat Singh (trainer), Surojit Biswas (physio), Roof Raja Nongsiej (manager), Sudesh Pradhan (assistant coach).
