Ka Union Ministry of Home Affairs (MHA) ynne da pynmih kyndon ko kam chibynta wow wai chooh chooh ka ri wei da pynmih ko yaki kyndon thymme wa tip kam ka Unlock 2 yow e laad chooh ya kiwi ki jait kaam wow sdang ki kiwa cha bar ki thaw wa da khangkset namo ki Containment Zones. Kini ki kyndon thymme u krehkaam ki nadooh ka July 1, 2020.
Ki kyndon hapoh ka Unlock 2 man ki kamni ha wah:
- Ki lieñsuiñ waki rel wa kit bru u chah chooh chooh u krehkaam ki.
- Yaka Night Curfew da pynkylla noh nadooh 10 waje i miet hadooh 5 waje i step.
- Ki dukan wa em cha sor da chah wow em palat 5 ngut ha i jooh i por deiwa yajngai uwi ya uwi.
- Ki thaw e sikai namo ki Training Institutions yong ka sorkar pyrdi kamjooh ki sorkar jylla u chah u krehkaam ki nadooh ka July 15, 2020.
- Yaki thaw puræ kam ki skur, ki College waki Coaching Institution u man hi ki kiwa khang hadooh ka July 31, 2020.
- I lai won lyngba ki lieñsuiñ na kiwi ki ri u krehkaam ko katkam ka Vande Bharat mission.
Lait noh kini ha wah, waroh kiwi ki jait kaam u chah ha ki thaw wa em cha baar ki Containment Zones:
- Ym pu chah u krehkaam ki Metro Rail.
- Ym chah u wai ki Cinema Halls, Gymnasiums, Swimming Pools, Entertainment Parks, Theatre, ki Bar, ki Auditoriums, ki Assembly Halls wa kiwi ki thaw wa sariem wa kini.
- Ym chah u pynman yaki yalang paidbah, ki yalehke Sport, ki yong niam, puræ puthi, ki kaam pynwyrngia deiwa em boon ngut ki bru.
Ki tarik wow wai ya kini daw pynbna won hadien iwa man katkam i long i man ha kini ki sngi wow wan.
Ka Lockdown u pteiñ hi ko haki Containment Zone hadooh ka 31 July 2020.
Haki thaw wa em cha baar ki Containment Zone, ki sorkar jylla u rai ki ya kam kiwon ki jait kaam wa chah u leh namo u sdang biang. Tangwa ym khang yei lai i wan ki mar wa emkaam na kawi ka District cha kawi kamjooh na kawi ka jylla cha kawi, wei ym emkaam wow yoh bor wow leh ya ini.
