Waroh kiwa chong chnong ka India kiwa em 70 snem chaneiñ daw yoh ki yei sumaar wa mynkna hapoh ka Ayushman Bharat Health Insurance Scheme, da pynbna ka President ka ri, ka Droupadi Murmu ynne hawa klam hapoh ka Parliament deiwa emlang ki MP ka Rajya Sabha wa Lok Sabha.
Da ong ko wa i wai ya ki 25,000 tylli ki Jan Aushadhi Kendras hapoh ka ri man ko kam chibynta wow pynsmat ya ini i kaam.
Hapoh ka Ayushman Bharat-Pradhan Mantri Jan Arogya Yojana (AB-PMJAY), da e ya ka sumaar sukhær iwa dei mynkna cha 55 klur kiwa yoh myntoi, da khana ka President.
Kamtæ da ong ko wa ka sorkar da chim ko sa kawi ka rai heiwa kattu kiwa em 70 snem chaneiñ u yoh ki i myntoi deiwa chah sumaar dei mynkna hapoh ka Ayushman Bharat Yojana.
Hapoh ka AB-PMJAY da e yarap ka bai sumaar wa Rs. 5 lak chi snem neibynta kawi ka manyung neibynta ki kjut ki chitom wa kheiñ kam ki Secondary & Tertiary Care Hospitalisation heiwa kiwa yoh myntoi da em ki 12 klur tylli ki manyung.
Ki kyndon hapoh ka Hospital Empanelment and Management (HEM) yow jied ya ki Hospital hapoh ka AB-PMJAY toh kawa da phah ya ki State Health Agencies (SHAs) wow leh yeini.
Discussion about this post