Hadien wa sdang ka thma hapyrdi ka Ukraine wa ka Russia ha ka 24 Thohlakhmi, ynne i step ka Russia da pynbna ko ya ka Ceasefire namo u sangeh yasiat ha ki ar tylli ki thaw yow pynlait ya ki bru paidbah wow mih na kini ki thaw.
Neiliang ka Ukraine leh da pdiang ko yeini i rai ka Russia wow sangeh yasiat chipor ha kini ki ar tylli ki thaw nadooh 10:00 waje ynne i step wei kini ki ar thaw kynthup ki ya ka Mariupol wa Volnovakha.
Kini ki ar thaw u man ki kam ki luti namo ki Humanitarian Corridor wow yoh ki bru paidbah u mih suk na kini ki thaw khnang wow lait na i mynsoo ha kani ka thma.
Lyngba i sangeh yasiat iwa chipor daw ye ki bru paidbah u mih na kini ki thaw wei daw wailaad leh wow wanrah ya ki dawai kamjooh leh ki baam chapoh kini ki thaw da ong ka chnat yada ri ka Russia (Ministry of Defence).
Hapoh ka UN Security Council, ynne ka Russia da pyntip ko wa da pynkhreh ko ya ki Bus hajan u pood wa ka Ukraine wow lithooh ya ki khynnah India wa kiwi ki bru na baar Ukraine na ki sor kam ka Kharkiv wa Sumy kiwa da sakhut ha kini ki sorbah ha Ukraine.
