Ka sorkar Meghalaya ynne ka sngi da pynmih kyndon ko heiyatoh wa i pynman yei pynkyntang bia waki jait yalang paidbah kiwa man kamni ha wah:
Heiyatoh wa ki thaw wa pynman lada hapoh ki yungmane lane ha kiwi ki thaw, toh u man i thaw wa pynngaad kiwa yoh ka la-ær u psiah bha, wei lada ye toh u pynman cha lait lada chah i man i suiñ bneiñ wei ki bru wa wan toh u em ki chi chah naka le chah na iwa hoi u chong.
Ym chah wow pynemkaam yaka Air Conditioning.
Ki thaw wa pynman toh u man ki kiwa heh heiwa ye u yajngai ki bru 2 meter uwi na uwi.
Ki thaw wa pynman toh u man ki kiwa da dep sait khooid chwa.
Ki tre ki thaw wa pynman toh u booh ki yaki Hand Sanitizer ha i thaw psiah wa i thaw mih.
Ya i thaw wa i rukom pynbait kamjooh i booh yaki thaw wow sait pynkhooid daw wan pait da u sahep wa booh da ka District Administration.
Hap leh wow booh yei pyrtuid kiwa wan, kiwa pynman yaka yalang kamjooh ki wakreh.
Kiwa da heh rta kiwa em 65 snem chaneiñ wa ki khynnah wa em 10 snem chapoh hap wow syndong bha ya ki heipor wa wan ki cha wa bia.
Kiwa pynman ye ki wow leh yaka Online Video yow pait kiwi.
Kiwa chitom nei ka’oh, synrum lane iñdoh ym chah wow wan ki cha kini ki yalang.
Ki e sñiawbha da ki tiar wa hap wow rah da i kti toh u dam lada ye wei da pynchlur wow leh yei e sñiawbha kam da ki Online Gift.
Waroh kiwa wan toh u Download wei u pynemkaam ki yaka Aarogya Setu App heipor wa hadien ini.
Ini toh katkam wa pyntip ka M.N. Nampui,IAS, kawa man kam ka Secretary ka sorkar Meghalaya yong ka chnat Health & Family Welfare Department.
