Shillong: Neidaw wa em wa yoh COVlD-19 wei wa em leh kiwa em hei maa wow yoh ya uni u khñiang ha ki yung wa em ha Mawbah Barapathar, kamtæ da emkaam wow leh yaka Contact Tracing, Quarantine, Testing wa kiwi kiwi yow yada yaki paidbah nei poor uni u khñiang.
Neiliang ka District Magistrate, East Khasi Hills District, da pynmih hukum ko haka 8th August, 2020 wow pynbna ya i yung/thaw ka Sanisha Kharlukhi ha Mawbah Barapathar kam ka Containment Area yow khang yei mih i psiah chapoh ini i thaw khlem yoh bor.
Ka hukum da ong ko wa da khang ya ki bru wow psiah chapoh kani ka thaw wei kiwa em hapoh kini ki thaw hap ki wow neh bait hapoh yung.
Da khang wow pynman ya kiwon kiwon ki yalang paidbah, ki kaam khayi pateiñ, u wai yaki dukan wei ya kiwa emkaam daw pynbiang da ki bor District.
Waroh ki yung krehkaam sorkar, ki yong ki bru samen toh u man ki kiwa khang hadooh wa pynmih hukum da kamwi.
Katkam wa ong kani ka hukum, u Incident Commander, Zone-IV u man u kam u Supervising Officer ki yung ka Sanisha Kharlukhi ha Mawbah Barapathar iwa da pynbna kam ka Containment Area.
Kani ka hukum ym krehkaam ko ya ki wakreh ka Shillong Municipal Board, ki laad pathai khubor wa kiwa libooh kum LPG.
Kiwa leh pyrchah daw chah pynchitom ki katkam ka aiñ Disaster Management Act, 2005 wa IPC.
