Ka Dorbar Mang Tangka ka sorkar pyrdi kam chibynta wa da pynbna ha ka Interim Budget ha u Thohlakhmi (Feb) uni u snem, ynne neiliang ka Finance Minister, ka Nirmala Sitharaman da pynbna ko wa da sdang ya ka Pradhan Mantri-Surya Muft Bijili Yojana (PM Free Electricity Scheme) yow pynchlur u pynemkaam da ki Rooftop Solar (RTS) deiwa e mynkna ya ka bordiñ hadooh 300 Unit chi bnai cha palat chi klur tylli ki manyung.
Da pyntip ko wa kani ka Rooftop Solar Scheme toh kawa da em hadooh 1.28 klur tylli ki manyung kiwa da dep leh Registration nadooh wa pynbna ka wei da em 14 lak tylli ki Application heiwa daw ye u pynhiar yei pynlut bai bordiñ.
Kani ka Scheme daw yarap ko wow e bordiñ lyngba i bor ka sngi deiwa pyndait ya ki Solar Panels ha tnoom yung, i wow yarap pynhiar ya ka bai bordiñ nadooh Rs. 15,000 hadooh Rs. 18,000 klur chi snem hapoh ka ri wei ya ka bordiñ wym hap u pynlut deiwa em kini ki Solar Panel daw dai cha ki karkhana, u Charge ya ki kari Electric wei daw man ko leh ka laad yoh khih ya kiwa boon wow pyndait ya kini ki Solar Panel.
Ka sorkar warim dadep ko wow pynbna Rs. 75,021 klur ka bhah poisa neibynta kani ka Scheme ha uni u snem wei kattu daw yarap ka sorkar pyrdi 60% ka bai pyndait ya ki 2 kW wa 40% won ya ki 2-3 kW kini ki Solar Panel.
Discussion about this post