Najrong i pynbna ka sorkar pyrdi hapoh ka PM CARES for Children yow e yarap ya ki khynnah wa da chah ktah ha ka khlam, ka sorkar India da pynbna ko leh sa i yarap ya kitu ki manyung wa da dooh ya u/ka kiwa kamai ha yung neidaw ka khlam COVID-19. Daw e yarap cha kini ki manyung da ka Pension kamjooh wow e yarap chooh chooh lyngba ka Insurance.
U PM da ong u wa ka sorkar ka yieñ lang ko wa kini ki manyung. Da ong u leh wa lyngba kani kini ki Scheme da yaleh wow yarap ha kini ki por wa chitom ha ka kamai kajih.
- Ka Family Pension hapoh ka Employees State Insurance Corporation (ESIC)
Yow yarap ya ki manyung wow im dei burom kamjooh i rukom im wa biang, i yarap ka ESIC Pension Scheme da pynyiñsur chadooh ki wakreh wa khlaad na u COVID-19. Ki dkhot ka manyung wa chaniah ha kini kiwa da khlaad, ye ki wow yoh Pension kawa man 90% deiwa kheiñ yonglang ya ka nong sngi (Average daily wage drawn by the worker) kawa man katkam ki kyndon wa em katni. Ini i e yarap toh kawa kheiñ nadooh 24-03-2020 hadooh ka 24-03-2022.
- Employees Provident Fund Organization- Employees’ Deposit Linked Insurance Scheme (EDLI)
Hapoh kani ka EDLI Scheme da pynyisur wei pynyaar chooh chooh deiwa e yarap cha ki manyung ki wakreh kiwa da dooh yei mynsien ha u COVID-19.
Ya ka Insurance daw pynku na ka T. 6 lak cha T. 7 lak. Ki kyndon yong iwa duna dooh ka Insurance wa toh u yoh T. 2.5 lak da pynkrehkaam biang ya ka deiwa kheiñ nadooh 15-02-20 neibynta ki 3 snem wow wan.
Yow e myntoi cha ki manyung ki wakreh kam ki Contractual/Casual, i kyndon wa pteiñ yei kreh du ha chi thaw da pynyaar chooh chooh heiwa i myntoi daw e cha ki manyung ki wakreh hanla da lai kreh ki chawi hapoh 12 bnai chwa wow yap.
Ki kyndon wa bniah hajrong ini waroh daw pynmih da ka Ministry of Labour and Employment.
