Pynbna ka sorkar sa ar tylli ki Police Outpost wa thymme

Ka sorkar Meghalaya lyngba ka Home (Police) Department da pynbna chooh chooh ko ya ki Police Outpost wa thymme heiwa ha kani ka kynti da pynbna sa ar tylli.

Kawi toh ha Zikzak, South West Garo Hills District ka wow tip kam ka Zikzak Police Outpost wei kawi won ha Raksamgre, West Garo Hills District ka wow tip kam ka Raksamgre Police Outpost.

U pood ka Zikzak Police Outpost toh ka Ampati Police Station na neiñ, ka Salmanpara Police Station na mihsngi, ka Purakhasia Outpost na tre wa ka Mahendraganj Police Station na sepsngi.

U pood ka Raksamgre Police Outpost toh ka Tikrikilla Police Station wa Pedaldoba Outpost na neiñ, ka Pedaldoba Outpost (West Garo Hills) wa Bajengdoba Police Station (North Garo Hills) na mihsngi, ka Damal Asim Police Station wa Tikrikilla Police Station na tre wa ka Tikrikilla Police Station na sepsngi.

Related posts

Lai pyntikna ka JNC wym em chim poisa ka Toll Plaza hadien wa pynmih khubor ka NHAI

January 20, 2026

Kyrpaad u Sanbor ya u Montri ka sorkar pyrdi wow yada ya i rukom im ki Seng Khasi, Seiñraij wa Songsarek

January 20, 2026