Ka sorkar India lyngba ka Ministry of Environment, Forest and Climate Change, ha ka 8 tarik uni u bnai da pynmih ko ya ka Office Memorandum (OM) wym pynman de yei pynsñiaw paidbah næ wow ap ya ki paidbah (Public Hearing) lada emkaam wow tih ya ki mar pohkhyndaw (Atomic Minerals) kam ya u Uranium.
Katkam ka Office Memorandum ka MoEFCC da pynbna wow pyndam noh yei pynsñiaw paidbah lada chem wa hap wow tih ya ki mar pohkhyndaw hapoh ka Part B (Atomic Minerals) wa Part D (Critical and Strategic Minerals) yong ka Mines and Minerals (Development and Regulation) Act.
Hajrong ini i pynbna yong ka sorkar India, neiliang ka National People’s Youth Front (NPYF) da lai e dorkhat ko ha u Montri Rangbah wow tuklar smat neibhah ka jylla Meghalaya em ko ya u Uranium.
Hawa klam ynne ka sngi, u Working President ka NPYF, u Bajop Pyngrope da ong u wa ini i pynbna yong ka sorkar India da booh ko hei maa ya ka jylla Meghalaya hawa yatoh wa u Uranium.
Da ong u wa kani ka phang toh kawa sñiawkhia bha neibynta ki jaitbru ri-loom ha ri India, neibhah kini ki mar pohkhyndaw em ki ha kiwa boon ki thaw yong ki jaitbru ri-loom. Da ong u wa ha ka OM khlem pynlait wot ya ki thaw wa haap hapoh ka Sixth Schedule kawa ka Meghalaya kawa 98% toh ka thaw wa em hapoh ka Sixth Schedule.
Hawa kylli, u Bajop da ong u wa hadooh kattæ ka NPYF dang pynsñiaw ko du ha u Montri Rangbah ka jylla, u Conrad K Sangma wow tuklar, wei ka NPYF yieñ ko wow pynsawa yei pyrchah wa lada ka sorkar India ym pynlait ko yeini wa da pynbna ya ka jylla Meghalaya, ka seiñ daw pyrkhat ko ya ki luti wow lai chakhmat yow pynyoo yei pyrchah.
Discussion about this post