Ka sorkar Meghalaya ynne ka sngi lyngba ka chnat Personnel & AR (B) da pynbna ko yei chna ya ka Expert Committee yow pait deiwi namo wow Review ya ka State Reservation Policy kawa da pynbna pynkrehkaam ha ka 12-01-1972.
U Chairperson wa ki dkhot kani ka Committee toh u man ki ki bru wa stat wa chemphang ha ki kaam wa yatoh waka aiñ, ka khayi pateiñ, ka imlang sahlang (Constitutional Law, Economics, Sociology, Demographic Studies) wa kiwi de kiwa yatoh wa kani ka phang.
Kani ka Expert Committee toh u pait ko deiwi ya ka State Reservation Policy deiwa ap wei sñiaw na waroh kiwa chah ktah wa waroh kiwa embynta ha ini i kaam deiwa lai hiar cha waroh ki bynta ka jylla.
Kam wow pynykynmoo wa ynnin ha ka yalang ka Committee wa da thung da ka sorkar yow yaklam hajrong ka Reservation Policy deilang waka Roster, da mih i dawa wow thung noh da ka Expert Committee yow pait yeini i kaam heiwa ka VPP da ong ko leh wa lada leh ka sorkar yeini daw sangeh u Ardent Basaiawmoit yei chah thngan.
