Ka sorkar Meghalaya da pynbna ko ya kiwa ksoh kaam wa boon ki chnat krehkaam yong ka heiwa da mynjur wow em noh ka Secretary wa pura ka Meghalaya State Council of Technical Education, Shillong. Yeini da leh neidaw wa ki Polytechnic katni toh kiwa em ha Shillong, Tura wa Jowai wei da thmu wow sdang sa soo tylli kamtæ da emkaam ya ka Secretary wow krehkaam pura.
Da rai leh wa ka Additional Director ka DHTE kawa katni, ka A. Ali kawa daw chong ngiah noh wow man ko kam ka Secretary wa pura wa nyngkong ka MSCTE neibynta ki 24 bnai.
Kiwa de wa da mynjur wow thung toh u Executive Chairman ka MBOSE, Tura da u C P Marak, IFS (Retd.) u wow man kam u Executive Chairman neibynta ka 12 bnai.
Da mynjur leh wow thung kreh biang ya ka Ripnar Lyngdoh IAS (Retd) kam ka State Information Commissioner.
Sa iwi wa da mynjur toh wow pynkylla noh yei pyrtuid ka Captain Williamson Sangma Technical University cha ka Captain Williamson Sangma State University.
Discussion about this post