Ka sorkar Meghalaya lyngba ka chnat i chait i khiah ka jylla, ynne ka 6 tarik da pynmih ko ya ki kyndon hawa psiah chapoh ka jylla kiwa man kamni ha wah:
Waroh kiwa psiah chapoh ka jylla hap ki wow pyntipmit ya idæ chwa wow lai luti ki lyngba ka website www.meghalayaonline.gov.in/covid/testing.htm wei wow Download leh ya u Arogya Setu App wa u Behaviourial Change Management App ka Meghalaya na Google Play Store.
Yow yoh won ya ka ‘e-invite’ ya kiwa uiñke suwari hap ki wow lai Register ha ka website ka Meghalaya ka www.meghalaya.gov.in.
Kitu ki wym pu em yoh tika waroh arsien lane ki wym em ya ka RT-PCR Negative Report wa leh da ki Laboratory wa tipmit hapoh 72 kynta chwa wow poi ha ka Entry Point, kini daw hap ki wow leh ya ka RT-PCR Test khlem pep.
Kitu kiwa da dep yoh tika waroh arsien lane kiwa em ya ka Negative RT-PCR Report wa da leh 72 kynta chwa wow poi ha ka Entry Point, ym emkaam de wow Test ya ki.
Kiwi de kiwa lait nei chah Test toh ki bru sorkar, ki bru wakreh ha ki kaam wa yatoh wa ka chnat i chait i khiah, ka chnat bordiñ, ka Telecommunication wa kiwi kiwa leh ya ki kaam wym hoi u dam katkam wa pynbna da ka chnat Home (Political) Department ka sorkar Meghalaya lada em ki ya ka RT-PCR Negative Certificate wa da leh hapoh 72 kynta lane ka RAT Negative Certificate wa da leh hapoh 48 kynta chwa wow poi ha ka Entry Point. Lada ym em ki ya ini dap hap ki u chah Test ki da ka RAT.
Kitu kiwa lait nei chah Test, ym hap ki wow leh ya ka Quarantine tangwa hap ki wow bood kyndon.
Kitu kiwa chah Test da ka RT-PCR ha ki Entry Point daw hap ki wow leh ya ka Home Quarantine lane ha ki thaw wa hap dei su hadooh wa yoh ya ka Result. Lada toh kiwa yoh ya u khñiang khlam, daw hap ki wow chongkset ya idæ.
Kitu won kiwa em ya ki dak ki chin wa chitom hawa poi ha ki Entry Point daw hap ki wow leh ya ka RT-PCR Test wei hap ki wow leh ya ka Home Quarantine lane ha ki thaw wa hap dei su 7 sngi.
