U Commissioner & Secretary ka Health & Family Welfare ka sorkar Meghalaya da pynmih kyndon u heiyatoh waki Community COVID-19 Management Committees/Teams kiwa da mih hapoh waroh ki District ka jylla kiwa da kreh wow e yei yarap yaka sorkar ha kani ka yaleh pyrchah yaka khlam COVID-19.
Kamtæ da pynbna wa ki dkhot kini ki Committee toh u man ki kamni ha wah:
- Headman/Dolloi/Nokma/Locality Chairman
- Secretary ka chnong, Member Secretary
- Secretary ka VEC, MGNREGS Member
- Pastor/Priest/ Leader of Religious Institution Member
- ASHA Worker Member
- Anganwadi Worker Member
- One Assistant Teacher (Male) Member
- One Assistant Teacher (Female) Member
- Women’s Group Representative Member
- Youth Representative Member
- One Community Volunteer Member
- Sector Officer Advisor
U Chairman ka Committee ye u wow krehkaam lang wa kiwi ki dkhot ka chnong wei kini ym toh u palat ki 15 ngut.
Ki kaam yong kini ki Committee
Kini ki Committee toh u jied ki yaki thaw wow pynman kam ka Community Quarantine Centre kiwa toh u em ki thaw thiah, i bordiñ, ka um, paikhana wa kiwi kiwi. Ye ki wow paan yarap na ki Village Employment Council (VEC), Voluntary Organisations, Self Help Groups (SHGs), Village Water & Sanitation Committee (VWSC) yow pynbiang ya iwa emkaam. Da pynchlur ya kiwa chong chnong wow e sñiawbha yaki tiar ki tar wow pynemkaam ha kini ki Centre.
Ki Community COVID-19 Management Committee toh u pyntikna ki wa kitu kiwa leh Quarantine 14 sngi wow bood ki thij yaki kyndon lada ha yung næ ha ki Community Quarantine Centre. Ya kiwa tyngkheiñ kyndon toh u pyntip cha u Sector Officer.
Kini ki Committee toh u e yarap ki ya ki ASHA, Medical & Health Officer, Sector Officer heipor wa leh ki yei kaam yong ki khamtam ya kitu kiwa leh Quarantine.
Kini ki Committee toh u yarap ki wow booddien (Contact Tracing) ya kitu ki bru kiwa yajan yabi wa kiwa yoh COVID-19.
Kini ki Committee toh u pynkhreh ki yeiwa emkaam lada em wa jia wa hap u thang lane u tlep ya kiwa khlaad na u COVID-19 katkam ki kyndon.
Ya waroh ki kyndon ye phi wow yoh heini.
