Ka chnat Health & Family Welfare ka sorkar Meghalaya ynne da pynbna ko yaki kyndon wow chah ya kitu kiwa kwah u psiah chapoh ka jylla deiwa sah hadooh 3 sngi donhi.
Kiwon kiwon ki bru wa kwah u psiah chapoh ka jylla kiwa kwah u sah 3 sngi lane duna 3 sngi daw hap ki wow Register yow yoh COVID ID deiwa lai haka http://www.meghalayaonline.gov.in/covid/testing.htm.
Hap ki leh wow em yaka Ticket wow liwan (Air/Rail). Katwa ya kitu kiwa lai luti na sarok hap ki wow khana ya i Number kari wa thmu ki wow liwan.
Lada em ki yaka COVID-19 NEGATIVE RT-PCR Report kawa pynyoo wa ym em yoh ki ya uni u khñiang kiwa da leh deiwa chim yaka nongmuna hapoh 72 kynta nadooh wa poi hapoh ka jylla, ym emkaam de wow leh ki yaka Rapid Antigen Test kawa jooh leh heipor wa psiah.
Toh u sah ki ha kiwa da booh ki thaw kam ki Hotel wa Guest House lane ki thaw sah wa pynlai daka sorkar lane kiwa da yoh bor naka sorkar. Toh u pynbait ki ya kini ki thaw sah chwa wow poi ki. Toh u khana ki leh ya waroh ki thaw wa thmu ki wow lai heipor wa em ki hapoh ka jylla.
Toh u pynduna ki leh yaki thaw wa lai ki wei wow yachem ki du kattu katni ngut ki bru deiwa bood leh yaki kyndon.
Daw hap ki leh wow Download ya u Aarogya Setu App wei hap ki wow pynyoo ya ini haki Entry Point.
Ya ki kari wa pynemkaam toh u pynbiang ki da ki hi heipor wa em ki hapoh ka jylla.
Ya ini da pyntip da u Sampath Kumar, IAS, Commissioner & Secretary ka Health & Family Welfare Department ka sorkar Meghalaya.
