Shillong: Neidaw wa em wa yoh COVID-19 kamjooh wa em kiwa em hei maa (High Risk Contact) wow yoh ya uni u khñiang ha ki yung wa em ha Goenka Compound, Mawlonghat, Mynsain (Rum), Lower Lumparing, ha Rapsang Building (iwa dang chna) mar pyrchah yaka Meghalaya Main Secretariat wa ki yung wa em ha Rilbong, kamtæ da emkaam wow khangkset ya kini ki yung wa ki thaw yow ye u leh ya iwa emkaam kam yaka booddien (Contact Tracing), Quarantine, Testing wa kiwi kiwi yow yada yaki paidbah wei yow khang leh yei psiah i mih na kini ki thaw khlem da yoh bor.
Ka District Magistrate, East Khasi Hills District, da pynmih hukum ko haka 25thAugust, 2020 yow pynbna ya i yung u Vicky Thakur, Pawan Gaur, Raj Kishore Singh, Vakeel Ray, Ravindra Prasad Sahu, Arun Saha, Rajesh Barua, Alakh Kumar, Sujeet Kumar Thakur, Arun Chhatri, Rajesh Gaur, Suresh Nishad, Upendra Singh, Surendra Choudhary, Bateshwar Singh, Parbansh Shah, Dilip Kumar Nishad, Peram Rai, Ramu Chettri, Sambhu Singh wa Sharavan wa em ha Goenka Compound, Mawlonghat, i yung ka P D Lyngwa, Mynsain (Rum), Lower Lumparing, Rapsang Building (iwa dang chna) wa em mar pyrchah yaka Meghalaya Main Secretariat, i yung u Champa Das Gupta, Rilbong u man ki kam ka Containment Area nadooh ka 25th August, 2020.
Kani ka hukum da khang ko ya kiwon kiwon ki bru wow psiah ki cha kini ki thaw wa man kam ki Containment Area wei kiwa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, ki khayi pateiñ, u wai yaki dukan, ki yung krehkaam sorkar wa yong ki bru samen kiwa em hapoh kini ki thaw. Ya iwa emkaam daw pynbiang da ki bru ki bor pynlai District.
Kani ka hukum ym em khang ko ya ki wakreh ka chnat i chait i khiah wow leh yei kaam yong ki, ki wakreh (Essential Worker) ka Shillong Municipal Board, ki laad pathai khubor, ki Petrol Pump wa kiwa li booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
