Shillong: Neidaw wa em wa yoh COVlD-19 ha ki 5 tylli ki manyung ha Shiv Mandir, Block-2 ka Pynthorbah, i yung u Rohan Chettri, ka Laxmi Mizar, u Guttam Rai, ka Sony Joshi waka Savitry Thapa ha Dong Kamon Nongmynsong, waroh i khap Bhogee Chaudary Laundry hadooh ka yingkieñ hajan ka Bilco School, Pynthorbah, waroh iwi i khap ka Saint Nanak School Lane, Pynthorbah, ki yung (Building) ka Kristina Kharkongor, Pansngiat Syiem, Armillian Syiem wa Syrpailin Kharir ka Circle- I ka Mawpat waki yung ka Baleisha Pyngrope wa Pulsylinda Marbaniang ka Circle-III ka Mawpat; wei yow ye wow leh yeiwa emkaam yow lait u poor u COVID-19, ka District Magistrate, East Khasi Hills District da pynmih hukum ko haka 26th July, 2020 yow pynbna ya kini ki thaw kam ki Containment Area yow khang yei mih i psiah chapoh kini ki thaw.
Waroh ki bru wa em hapoh kini ki thaw toh u neh bait ki hapoh yung. Da khang leh wow pynman ya kiwon kiwon ki yalang paidbah wei waroh ki dukan toh u man ki kiwa khang.
Ki yung krehkaam sorkar, kamjooh yong ki bru samen toh u man ki kiwa khang hadooh wa pynmih hukum da kamwi.
Kani ka hukum ym em khang ko ya ki wakreh ka chnat i chait i khiah, ki wakreh ka Shillong Municipal Board, ki laad pathai khubor waki Petrol Pump.
Ki dukan ki yaw wa em ha Mawpat nadooh Shaw Shaw, hakhmat ka Mawpat Block Office hadooh Mot, Circle I Taxi Stand u man ki kiwa khang wei ym chah wow psiah ki kari cha kini ki thaw.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
