Ka sorkar India lyngba ka Ministry of Health and Family Welfare da pynmih kyndon thymme ko ya kitu kiwa wan na baar ri (International Arrivals).
Chwa wow lai luti hap wow pyndap yaka Self-Declaration Form deiwa leh Online haka www.newdelhiairport.in 72 kynta wow lai luti lane deiwa rah ya kani ka Form deiwa e haki Health Counters.
Toh u e leh dei thoh wow kular haka Website ka Ministry of Civil Aviation, Govt. of India, lyngba ka Airlines wa lai ki wa daw leh ki ya iwa phah ka sorkar kam wow leh yaka Quarantine haki thaw wa da booh ka sorkar/Home Quarantine/u pait bniah yei long i man ki 14 sngi lane katwa emkaam.
Yaka Home Quarantine wa 14 sngi u chah u leh du lada em kawa punkhon, em kiwa yap ha yung ha sem, wa kjut chitom wei lada emlang ki kynnah wa 10 snem.
Lada kwah wow lait naki kyndon, ye wow leh lyngba ka website www.newdelhiairport.in 72 kynta chwa wow ku haka lieñsuiñ. I rai chong ko haka sorkar.
Ye leh wow lait nei leh Quarantine lada em yaka Negative RT-PCR Test Report. Kani ka Test toh u leh 72 kynta chwa wow lai luti wei ya kani ka Test Report toh u Upload cha ka Website yow pyrkhat ka sorkar. Hap leh wow pynsakhiat ya kani ka Test wei ya kiwa chukor daw pynchitom. Ya kani ka Report toh u rah wei pynyoo leh yaka manda poi ha ki Airport wa em ha India.
Ya kitu kiwa wan kiwa ym em yaka RT-PCR Negative Certificate tangwa ym kwah ki wow leh yaka Quarantine, ye ki wow leh yaka RT-PCR Test ha Airport kiwa ye wow leh ya kani ka Test.
Ya kitu kiwa wan kiwa ym em yaka RT-PCR Negative Certificate wei ym bien ki wow leh yaka RT-PCR Test ha Airport hanla em i thaw wow leh ya ini lane wa ym em i thaw wow leh ya kani ka Test haka Airport wa hiar ki, daw hap ki wow leh yaka Quarantine wa 7 sngi ha i thaw wa booh ka sorkar lane da ka Home Quarantine.
Ya waroh ki kyndon sorkar ye phi wow yoh heini.
