Ka sorkar Meghalaya da pynmih kyndon ko heiyatoh wow pynlai yaki thaw leh Quarantine kiwa pynlai da ki chong ki thaw wa tip leh kam ki Community Quarantine Facility.
Ki kyndon da ong wa kiwa leh Quarantine hap ki wow sah 14 sngi wei hap pynyajngai ki wa kiwi kiwa chong chnong wei kini ki thaw leh Quarantine toh u em ki cha ki thaw wa jngai naka chnong ka thaw, lane ki thaw wa boon bru wei wow yada ya kini ki thaw da kiwa chong chnong.
Toh u e thaw sah jar jiar yaki kynthai waki chynrang wei lada ym yoh u booh jar jiar ki thaw sah toh u booh jar jiar ki kamra yaki kynthai wa chynrang.
Ki kamra booh thaw thiah toh u em ki 5-10 tylli ki thaw thiah wei toh u yajngai ki 2 Meter kawi na kawi na waroh ki liang. Toh u biang leh ka um ha waroh i por, toh u man i thaw wa pynngaad, wa biang yaki Mobile Network, u pynbiang ya i baam, ki paikhana yaki kynthai wa chynrang wei hap yang 30 minit chwa wow pynemkaam hadien wa em wa pynemkaam.
Ki baam wa pynbiang toh u man kiwa yarap yei chait i khiah wei ye leh wow pynkhreh baam da kiwa hayung kiwa leh Quarantine. Kamjooh kiwa ha yung ye ki wow pynbiang ya iwa emkaam kiwa leh Quarantine kam ki Towel, syngkhlieh wa kiwi kiwi. Ym toh wow pynemkaam lang yaki tiar.
Lada ye wow booh ya i kamra sait that wei lada ym ye, kiwa ha yung ye ki wow wanchim yaki that deiwa khleh sabon chwa ki 30 minit chwa u sait.
Kiwa sah ha kini ki thaw leh Quarantine toh u yajngai ki uwi ya uwi, u deiñ yaki Mask, u sait yaki kti daka um wa i sabon lane daki Sanitizer.
Yaki thaw leh Qurantine toh u pynkhooid daki dawai kam da u Bleaching Powder, Lysol, Phenyl wa kiwi man ka sngi.
Ya waroh ki kyndon ye u Download heini.
