Hadien waka sorkar da chah ko wow wai yaki thaw mane Blai nadooh ka sngi nyngkong u Naichiphaw uni u snem, neiliang ka Home (Political) Department ka sorkar Meghalaya da pynmih ko yaki kyndon wow wai ya kini ki thaw.
Waroh ki thaw psiah cha ki thaw mane Blai toh u booh ki yaki Sanitizer lane ki thaw sait kti kamjooh ki tiar thaw chit kam ki Thermal Scanner wei du ki bru wa chait kiwa ym em ki dak ki chin wa chitom u chah u psiah kamjooh kiwa deiñ yaki Mask.
Toh u pynman boon tylli ki yaseiñ haka chi sngi yow lait u ya wan chi boon ngut ha i jooh i por wei ki yaseiñ ym toh u jrong ki palat chi kynta.
Lada ye toh u ieh yaki juti hapoh kari lane ha ki jar jiar ki thaw lane deiwa booh ya ki thaw wow pynkhooid yaki juti ha ki thaw psiah.
Lada ye toh u booh jar jiar ki thaw psiah wa ki thaw mih wei i thaw chong toh u booh heitæ i rukom wa jngai uwi na uwi yow bood yaka Social Distancing, wei u yajngai uwi ya uwi 5 phut hawa yieñ yow psiah cha ki thaw mane Blai.
Ki bru wa chah u em ha i jooh i por hapoh ki yungmane ki Kristan toh u chah chi bhah naka le bhah ki bru wa hoi u chong hapoh ka yungmane wei wow yajngai uwi na uwi 5 phut.
Ha ki Mosque, Temple wa kiwi kiwi ki thaw mane Blai toh u yajngai 5 phut uwi na uwi, ym toh u em ki bru palat yaka chi bhah naka le bhah wa hoi u em ki bru, wei lada em kiwa wan naka jooh ka manyung toh u ya chong lang ki chirup ha waroh ki thaw mane Blai.
Heiyatoh won wa i pyn baptist, i psiah Balang wa kiwi kiwi, hap u leh katkam wa heh i yungmane wei ym toh u palat i boon bru ya chi bhah naka le bhah kamjooh leh hawa pyntang bia.
Ym chah wow tba yaka kot wa kyntang, ki dur Blai wa kiwi kiwi katwa yaka kot rwai hap wow rah jar jiar.
Manda em wa yap bru won, heipor wa pyndep yaka niam ka rukom wa khadooh, i em ki bru ym toh u palat ki yaka chi bhah naka le bhah wa ye u em ki bru, ym toh leh u pynman yaka lai paidbah cha loom tlep-bru lane cha ki thaw thang-bru wei ya katwon ngut ki bru wa chah, daw chong ko haka Dorbar Chnong.
Ya waroh ki kyndon ye phi wow yoh heini.
