Ka sorkar India ynne ka sngi da pynbna ko wa yaki Mask kamjooh ya ki Hand Sanitizers u man noh ki kam ki Essential Commodities namo ki mar wa emkaam yow im deiwa biang hapoh ka aiñ Essential Commodities Act hadooh ka 30-06-2020. Hapoh ka Essential Commodities Act, ki jylla ye ki wow phah yaki karkhana wa chna ya kini ki mar wow pynmih boon ya kini ki mar wei wow pyntikna leh wa poi ki cha ki yaw ki haat.
Da leh ya ini yow pyntikna ym duna kini ki mar yow lait leh na kiwa leh Black Market wa kiwa murieh ya kini ki mar yow dai syad yaki.
Da em leh ki jylla wa pynkrehkaam yaki kyndon ka Epidemic Diseases Act, 1897. Heiwa hapoh kani ka aiñ, ki jylla ye ki wow pynkupbor chipor ya uwon uwon wow leh yeiwa emkaam.
Hapoh ka Disaster Management Act, ki jylla wa ki UT yei ki wow pynemkaam yaka poisa naka State Disaster Response Fund, deilang waka poisa ka sorkar jylla kamjooh yong ka NHM.
Ya ki Laboratory ki wow Test ya u COVID-19 da pynku cha 52 tylli.
La 12,29,363 ngut ki bru da sylli (Screened) yaki kiwa hiar na ki 11,406 tylli ki lieñsuiñ ha ki 30 tylli ki Airport.
Hadooh ynne ka sngi, da em 84 ngut kiwa da tikna wa yoh ya u khñiang COVID-19 hapoh ka ri. Na kini, 10 ngut da chait ki wei da yoh ki wow mih na ki thaw sumaar. Hadien wa boodien ya ki bru wa yajan wa kini ki bru, da chem ya palat 4000 ngut kiwa dang paitbniah yei long i man yong ki.
Discussion about this post