Ka Meghalaya Pradesh Trinamool Congress (MPTC) ynne da pynbna ko yei pyrtuid ki kyrtong na ki 52 tylli ki Constituency.
Na kini ki 52 tylli ki Constituency, 8 ngut daw yakhun da ki MLA wa katni wa kynthup ya 2 tylli ki Constituency wow yakhun da uwa yahkhmat ka Party, u Dr. Mukul Sangma uwa daw yakhun na Songsak wa na Tikrikilla.
Hawa pynbna yei pyrtuid yong ki 52 ngut, u President ka Trinamool Congress ha Meghalaya, u Charles Pyngrope da ong u wa ka Party daw booh ko ya ki kyrtong ha waroh 60 tylli ki Constituency, wei ya ki kyrtong kiwa dang sah daw pynbna ha ki kajiak sngi wow wan.
Da ong wa na kini ki kyrtong, 5 ngut toh ki kynthai wei em leh ki MDC ha ki District Council.
Na ki 7 tylli ki Constituency ka Ri-loom Jaiñtia da pynbna ya 4 ngut ki kyrtong, kitæ u A. Andrew Shullai na Jowai, u Lasting Suchiang na Mowkaiaw, u Sunida Bareh na Khliehriat wa u Alban K Gashnga na Amlarem Constituency.
