Ka Voice of the People Party (VPP) da pynbna ko ya ka yakhih deiwa pynman da ki yalang paidbah ha ka 17, 19 wa 20 tarik uni u bnai hajrong ka Roster System wa ka Reservation Policy.
Kini ki yalang toh kiwa daw pynman le tylli heiwa ha ka 17 tarik daw pynman ha Madan Heh, Mawlai heipor 2:00 waje i sngi, ha ka 19 tarik ha Iawmusiang, Jowai heipor 12:00 waje pyrdi sngi katwa ha ka 20 tarik won ha Jaiaw heipor 2:00 waje i sngi.
Ka VPP da ong ko wa da hap wow pynman ya kini ki yalang yow pynbait yei em i lai chilliang hawa pynkrehkaam ya ka Roster System hawa bhah kreh hapoh ka Reservation Policy.
Chooh chooh da ong leh wa sa iwi i daw toh wym bien ka sorkar MDA-II wow khut pynman ya ka dorbar wa kyrpang yow yaklam ya kani ka phang iwa da ktah ya ki khynroo khyllood ka Ri-loom Khasi wa Jaiñtia neibhah da noh chilliang deiwa yow myntoi du ya kiwi donhi.
Kamtæ da ong i pynsepai ya ki sngi da man ko leh pynsepai ya ka mynried kamjooh i pynkrehkaam ya ka Roster System deiwa man salonsar kamjooh i pynslem wow pait ya ka Reservation Policy deiwi.
