Kam chibynta wow khriñ ya kiwa uiñke suwari napoh ka ri India, neiliang ki le tylli ki ri wa em chajan da pynbna ki wow pynlait ya ki nong India wow psiah ki dei mynkna khlem da hap u su ya ka bai Visa.
Kini ki ri toh ka Thailand, Sri Lanka waka Malaysia heiwa ka Malayasia toh kawa da pynbna yeini ha ka 26 tarik iwa daw sdang nadooh ka 1 tarik uni u Kmaichonglad (Dec).
Katkam wa pyntip u Prime Minister, u Anwar Ibrahim, nadooh ka 1 tarik kiwa na India ye ki wow sah hapoh Malaysia 30 sngi khlem da hap su bai Vis kawa jooh kheiñ kamwa Rs. 2800.
Ka Malaysia da man ko ka ri wa le kawa da pynbna yeini ha kini ki tayaaw hadien wa pynbna ka Sri Lanka waka Thailand.
Ka Thailand da dep pynbna ko wa nadooh ka 10 tarik uni u bnai hadooh ka 10 tarik u Naisan, 2024 ya ki nong India da ye ki wow psiah khlem da su bai Visa kawa katni man ko kamwa Rs. 5000 wei ye ki u sah 30 sngi.
Ka Sri Lanka leh ini wa dep da pynbna ko wa da pynlait ko ya ki nong India wow psiah khlem da hap su bai Visa nadooh u Naichiphaw hadooh ka 31-03-24.
Discussion about this post