Jowai: Ka yung krehkaam u District Disaster Management Authority, West Jaintia Hills District, Jowai da ong u wa hadien waka Indian Meteorological Department pyntip ko wa hiar khyndaw ka Cyclone Fani ynnin ha jylla Odhisa wei ye ko wow dong chei liang mihsngi deilang wa ka la-ær wa khlanbor 60-70 Km wei daw poi ko leh cha Meghalaya ynne ka 4 tarik wa mynstep ka 5 tarik kamtæ da kyntu ya ki paidbah wow bood ki ya kini ki kyndon ha wah:
Ha chwa wow poi ka Cyclone
- Ham man kiwa tien wei ham ngait ya ki khubor thok wa pynpoor ki bru.
- Ngait du ya ki khubor wa pynmih da ki laad khubor wa tikna.
- Kdoh wei pynskem ya kiwon kiwon ki tiar wa booh cha rood yung nadooh ki dien ki siej, ki tin wa kiwi kiwa ye ka la-ær wow rah wei wow pait leh lada em kiwon ki dieñ kiwa da tlot.
- Ham myllin u charge ka ka Mobile phi.
- Kylli na ki waheh chnong/Gram Sevak/BDO lada booh ya ki thaw rieh lada emkaam wow thooh thaw rieh.
- Kset ya ki mrad wa ri phi ha ki thaw wa biang.
- Pyntikna wa dap ki baam wa emkaam.
Heipor wa poi ka Cyclone
- Tympleh lut waroh ki bor diñ na Main Switch.
- Khang skem ya waroh ki dwar, ki khian dwar wei neh hapoh yung ham mih cha lait.
- Ham lai cha jan ki thaw wa em um, kam cha ki wah wa ki nan.
- Ham lai chong leiñ, lai khwe wa kiwi kiwi de kam kini ki jait kaam.
- Ap yei pynbna ka sorkar wa da kut namo wa dang neh Cyclone.
- Ham mih wow lai jngai.
- Syndong ya kiwa dang khynnah.
Hadien wa kut ka Cyclone
- Ham psiah chapoh ki yung wa chah tympra.
- Syndong hawa lai wa wan na ki dieñ, ki sainar bordiñ, ki chrot bordiñ kiwa ye u haap u oor.
Hapoh ka District da booh leh ya ki Response Team ki wow yarap ha iwon iwon i por wei ki paidbah leh ye ki phone ki lada emkaam ha kini ki number ha wah:
- Hotline No-1077
- Chief Executive Officer, DDMA-7005602113
- District Disaster Management Officer-700562113
- 9366171885
Discussion about this post