U DC ka West Jaiñtia Hills wa u DC ka East Jaiñtia Hills da pynkrehkaam ki da ka Curfew ha ki bynta khappood ki ar District waka ri Bangladesh.
Yeini da leh neidaw wa ye ki bru na Bangladesh kiwa daw pyrchang wow psiah pyrchah ya ka aiñ cha India wa kynthup nadooh ki dkhot ki seiñ kieñ suloi, ki bru wa khayi tooh wa kiwi de kiwa emkti ha ki kaam pyrchah aiñ wa ki kaam pyrchah ri.
Ini i psiah tooh ye i wow jia ha ki thaw wym pu em kær pood heiwa ki bru wym man ye ki wow chim kabu yeini waroh.
Kamtæ da pynemkaam ya ka Section 163 ka BNSS yow pynkrehkaam ya ka Curfew nadooh 6:00 waje i miet hadooh 6:00 waje i step man-ka-sngi hadooh 200 meter deiwa kheiñ nadooh u Zero Line wa u pood waka ri Bangladesh.
Kamtæ da khang wow lai u wan ha kini ki bynta khappood dei thmu wow psiah tooh cha India, da khang leh wow yalang palat 5 ngut, u rah tiar pynmynsoo nadooh ki dieñ wa ki moo ha kini ki thaw khappood.
Da khang leh wow khayi tooh ya ki masi, kwai, pathi, ktung, biri, sikret, slacha wa kiwi kiwi.
Kani ka hukum u krehkaam ko hadooh wa pynbna da kamwi.
Discussion about this post