Ka Meghalaya Police da pynbna ko da ka thma wow yakhun ya i pynemkaam drugs heiwa da yoh kem ko chiboon i drugs ha ki bnai wa dadep.
Ini kynthup i ya i takit, i kem ya i drugs, i kheiñsap, ki sabut wei da Charge-Sheet ya ki damok wei da kset leh ya ki.
Heiyatoh wa ini, u Deputy Inspector General of Police, (ER), Shillong da pynman u ya ka e sikai wa tip kam ka Residential Programme on “Investigation of Cases under NDPS ACT” ha ka 18 & 19 tarik uni u bnai.
Ya kani ka e sikai da pynman ha Police Training School/Meghalaya Police Academy, Umran Ri-Bhoi District heiwa da wan e sikai da ki bru chemphang.
Ya kani ka e sikai da wa i da u Dr. L. R. Bishnoi, Director General of Police, hei emlang u Davis N.R. Marak Dy. IGP (ER) wa u Vivek Syiem, Superintendent of Police (City).
Neiliang u DGP da kyntu u ya ki pulit wow man kiwa kitkhia hawa pynman ya i takit kiwa yatoh wa i Drug khnang wow khoom u kdoh ya ki khynroo wow lai ki cha i drugs.
