Ka sokrar Arunachal Pradesh da pynmih kyndon ko ynnin ka 17 tarik ya ki bru paidbah wa psiah chapoh ka jylla kiwa wan na kiwon kiwon ki bynta ka ri wa hap ki wow leh yaka Rapid Antigen Test (RAT) ha ki thaw psiah chapoh ka jylla wa kynthup ya kiwa wan ha ki Helipad wa Airport.
Ya kitu kiwa em yaka Negative RT-PCR/TruNat/CBNAAT Report lane kiwa da pyndep yei yoh dawai yada COVID-19 ym hap ki wow leh Test ha ki Entry Point. Ki COVID-19 Negative Report u krehkaam ki du kitu kiwa leh 72 kynta chwa wow psiah chapoh ka jylla.
Ya kitu kiwa chem manda leh daka RAT ha ki Entry Point wa yoh ki ya u khñiang tangwa ym em ki dak ki chin wa chitom ki, daw hap ki wow leh ya ka Home Quarantine ha ki thaw wa thmu ki wow lai lane deiwa sah ha ki thaw wa da jied ka sorkar kiwa hap dei su.
Ya kitu won kiwa em ki dak ki chin wa chitom ki najrong wa yoh ki ya uni u khñiang daw hap ki wow sah ha ki Covid Care Centre kiwa hap dei su tangwa lada hap wow chah sumaar lada joor chitom ki daw sumaar dei mynkna hapoh ki DCHC wa DCH.
Ya kiwa chah Test ha ki Entry Point kiwa yoh ya uni u khñiang daw pynbiang kari da ki bor District yow kit ya ki iwa hap dei su.
Ya kitu kiwa Test daka RT-PCR/TrueNat, daw hap chong kset ki hadooh wa yoh Result.
