Ka Dorbar Chnong Chilliangraij, Jowai lyngba kani ka wyrta kwah ko u booh yei kyrpaad na waroh ki khon ka chnong, ki chongkha chongman, kiwa chong yungwai wa ki jan ki jngai wow sñiawbha phi u yakrehlang neibynta wow ye u khang u kah yei poor u khñiang COVID-19 hapoh ka chnong kamjooh ka District hi waroh kawi.
Da kyrpaad wow ya ksohktilang wa ka Dorbar Chnong kamni hawah:
- Kiwon kiwon ki wow lai cha baar ka District nadooh ka 15th July 2020, khamtam cha ki District wa em ka kjut COVID-19 kam ka nongmuna (East Khasi Hills, East Jaiñtia Hills, Ri-Bhoi) ter ter wow sñiawbha phi u pyntip khlem pep cha u Waheh Chnong, General Secretary lane cha kiwa kitkaam yong ka Dorbar Chnong khnang yow ye u leh yeiwa emkaam.
- Ka chnong da khang pyrchah ko ya kiwon kiwon kiwa daw wan na baar District, khamtam na ki District wa em ka kjut COVID-19, tangwa lada toh ki kaam ki wym hoi u dam, ye phi u pyntip chwa cha u Waheh Chnong, General Secretary lane kiwa kitkaam yong ka Dorbar Chnong hachwa wow psiah phi chapoh u pood u ang yong ka chnong.
- Heijooh i por, ka chnong da kyrpaad ko ya ki lok ki jor kiwa na kiwi tawan ki dong næ chnong hapoh ka District wow man phi kiwa syndong hawa psiah næ mih phi chapoh ka chnong ka thaw yong i.
- Ki khon yong ka chnong, ki chongkha chongman, kiwa chong yungwai wow sñiawbha phi u bood ya ki kyndon katkam wada booh da ka sorkar kam wow deiñ ya ki mask, i pynyajngai (Social Distancing), u kiar nei yalang chiboon ngut wa kiwi kiwi.
- Ya kitai waroh da hukum da ka Dorbar Chnong Chilliangraij, Jowai, wei lada chem ya kiwa leh pyrchah, ka chnong daw leh ko yeiwa emkaam.
- Ka chnong yooluti ko yei ya krehlang na waroh neibynta wow khang u kah ya kani ka khlam COVID-19 kamjooh yow yoh won yei chait i tram i bha i miat.
Ka Wyrta na u D.H. Pde, Waheh Chnong wa na u A. Lanong, General Secretary.
