Ka sorkar Meghalaya lyngba ka chnat Health & Family Welfare Department neidaw wa em u jait khñiang thymme COVID-19 wa tip kam u Omicron wa daw ye u em i ku biang kiwa chah ktah ha uni u khñiang khlam, kamtæ da pynkylla ya ki kyndon ya waroh ki bru wa psiah chapoh ka jylla wa hap ki wow Register chwa wow psiah chapoh ka jylla deiwa lai ha www.meghalayaonline.gov.in/covid/testing.htm wei wow Download ya u Arogya Setu App wa u Behavioural Change Management App ka Meghalaya na Google Play Store lane n aka App Store.
Katwa ya kiwa uiñke suwari hap ki wow Register ha ka Website ka Meghalaya deiwa lai ha www.meghalaya.gov.in yow yoh ki ya ka ‘e-invite’ neibynta kiwa uiñke suwari.
Ya kitu won kiwa wan na baar ri, hap ki wow pyndap ya ka Self-Declaration Form (SDF) deiwa booh (Upload) ya ka Negative RTPCR Test Report katkam ki kyndon ka Ministry of Health & Family Welfare ka sorkar India ha ka 28-11-21.
Kiwa wan na ki ri wa em ha Europe wa kynthup ya ka United Kingdom, South Africa, Brazil, Botswana, China, Mauritius, New Zealand, Zimbabwe, Singapore, Hong Kong, Israel katkam wa da kdaw da ka Ministry of Health & Family Welfare, hap ki wow leh ya ka RT-PCR Test hei thaw psiah (Entry Point) khlem pep.
Lada man ki ki wym em chah ktah (Negative) hap ki wow leh ya ka Home Quarantine 7 sngi wei daw Test biang ha ka sngi wa phra wei lada man Negative hi, hap ki wow pait hi yei chait i khiah ki 7 sngi.
Lada hadien wa Test da chem toh kiwa chah ktah (Positive), daw phah ya ka nongmuna (Sample) yow leh ya ka Genomic Testing.
Kitu kiwa wan na ki ri ki wym man ki ri wa em hei maa katkam wa da jied ka sorkar India, daw chim ya ka nongmuna yong ki 5% na kiwa wan yow leh ki ya ka RT-PCR heithaw wa psiah ki namo ki Entry Point katkam wa da kdaw da ka Ministry of Health & Family Welfare. Wei lada toh ki wym em chah ktah, hap ki wow pait hi yei chait i khiah 14 sngi, wei lada man kiwa chah ktah hap phah yei Sample yong ki yow leh ya ka Genomic Testing.
Ya kitu won kiwa pyn napoh ka ri, ki kyndon toh ki jooh wa da pynmih da ka sorkar Meghalaya ha ka 06-09-21.
Da kyntu leh ya kitu ki wym pu em chim tika wow lai chim smat ki wei ya kitu ki wym pu em chim yei sien wa ar i tika wow leh smat ki yeini wei wow bood ya ki kyndon yada kam wow deiñ ya ki Mask, u yajngai uwi ya uwi wei wow lehkhooid deiwa sait ya ki kti.
