Pynbna kyndon ka sorkar neibynta wow pdiang ya kiwa lai puræ Class XI

Kam chibynta wow pteiñ yei yakhun pyrchah ya ka khlam COVID-19, ka sorkar jylla lyngba ka chnat puræ puthi wa ka chnat i chait i khiah da pynmih ko ya ka hukum wow bood ki thaw puræ hawa leh ya ka Admission cha ki Higher Secondary School neibynta u snem puræ 2020-2021.

Neibynta kiwa em cha sor, waroh ki Admission Form/Prospectus toh u e lyngba ka Online wei toh u man ko mynkna katwa ya ki thaw wa em cha nongkyndong u leh lang waka Online kamjooh ka Offline wei toh u man ko mynkna.

Yow li e yaki Form kiwa da dep pyndap toh u e laad wow leh Online kamjooh Offline heiwa yaka Online ye wow leh chisien wa da yoh ki khynnah yaki kot ki sla wa emkaam.

Neibynta ka Offline Submission ya ki Form namo deiwa ekti ya ki Form pyn da ki khynnah ha ki thaw puræ ye wow leh kamni hawah:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Toh u chah du hapoh 200 ngut ki khynnah ha ka chi sngi. Ye u booh jar jiar i por lada jia wa em i khynñia hawa thap Form.

Lada jia wa em i khynñia namo i boon bru, ye ki thaw puræ u chim ki laad ki luti wa emkaam, kam ka nongmuna- wow chimkti ya ki Form deiwa lai sarin ki dak thoh (A-D,E-H ter ter) katkam wa em haka Form lane katkam i lai sarin i pyrtuid yong ki khynnah lane deiwa yabhah ya ki kynthai wa ki chynrang.

Heiyatoh wa i su ya ka bai Admission waka bai puræ (Fees), u leh ya ka Online deiwa pynemkaam yaka Online Bank Transfer/Payment Portals wa da tipmit da ka RBI. Ki thaw puræ emkaam ki wow e yutip hajrong ka Account Number chirup i pyrtuid ki Bank, ka Branch, IFSC wa kiwi kiwi.

Lada jia wa ymye namo wa chem chitom u su ya ka Fees (Online) neibynta ki khynnah wa sah palat-sor; ye wow su da ka poisa næ Cheque deiwa bood thij ya ki kyndon ka Social Distancing wa kiwi kiwi ki kyndon.

Neibynta kiwa lai puræ Class XI (Arts, Science wa Commerce) ka tarik wa khaddooh wow pdiang yaki Form toh haka 29-07-2020 wei ka sngi wow pynbna yaka 1^st List deilang waka Waiting List toh haka 31-07-2020.

Ka bynta wa ar namo ka Second Phase ka Admission u wai biang nadooh ka 8^th August, 2020 chaneiñ deiwa bood yaki kyndon wa da kdaw wei wow pynneh yaka Social Distancing.

I su yaka bai puræ u e laad 7 sngi nadooh wa pynbna ya kiwa chah jied wow lai puræ.

Neiliang u Wyrta pyntip i leh cha ki skur, wa lada kwah ki wow booh ya ki Form yong phi wow Download ki khynnah ye ki wow leh lyngba ka website u Wyrta.