Neidaw wa ku kiwa yoh COVID-19 ha Madhya Pradesh, ka sorkar jylla da pynkrehkaam ko yaka Lockdown wa chi sngi ha ki le tylli ki sor yow kdoh u khoom yei poor uni u khñiang.
Da pynkrehkaam yaka Total Lockdown ha Bhopal, Indore wa Jabalpur ynne ka sngi Bibar. Neiliang ka sorkar da kyntu ko ya ki paidbah wow bood ya ki kyndon yada na u COVID-19 deiwa deiñ ya ki Mask wei wow leh yaka Social Distancing.
U Montri Rangbah u Shivraj Singh Chauhan da pynbna u wa ha kini ki 3 tylli ki sor kitæ ka Bhopal, Indore wa Jabalpur- daw booh ya ki hapoh ka Lockdown man ka sngi Bibar nadooh wa pynbna da kamwi.
Ki skur ki College leh u man ki kiwa khang hadooh ka 31 tarik uni u bnai.
Ha ki 24 kynta wa dep, ha Madhya Pradesh da em 1,380 ngut kiwa dang yoh COVID-19.
Ini i rai ka sorkar Madhya Pradesh da wan i hadien wa em palat 1,000 ngut kiwa dang yoh COVID-19 la ar sngi heiwa ynnin da em 1,308 ngut katwa haka sngi Thohdieñ da em 1,140 ngut kiwa dang yoh.
Kiwa dang em ya uni u khñiang da em ki 6,609 ngut katwa waroh kiwa da dep yoh da em ki 2,62,587 ngut.
