Jowai: Ki kamra Hotel wa chongdor T. 2500- T. 7500 daw toh dan (tax) ki 18% wei kiwa chongdor won 7500 cha nein daw toh dan ki 28%, ka sorkar da pynbna ko ynne ka sngi bibar, i wow pynkrehkaam nadooh 30 tarik uni u bnai ha waroh ka ri katkam ka Goods and Servcies Tax (GST).
“Ka GST ha ki restaurant wa em ha ki hotel man ko ka jooh wa kiwi ki restaurant wa em air condition kawa poi 18%,” da ong u Finance Minister u Arun Jaitley hadien wa wai ka GST Council ha Delhi.
Da ong u leh wa waroh ki company da e por ya ki ar bnai yow myllien ki ya i rukom kreh ka GST yow ye ki u su ya ka dan online.
Katkam i rukom krehkaam ka GST waroh haap su ki ya ka dan le sien chi bnai. Kattæ leh da em kiwa paan por chooh.
Hapoh India palat 6.5 million kiwa khayi da bait ki wow krehkaam waka GST da ong u Jaitley kawa man 4 na kiwa 5 ngut hapoh ka ri.
Ka GST Council leh da pynmih ko ki kyndon wow lait kiwa boon u lait nei su ya ka GST deiwa pynku dor ya ki mar.
Ka GST Council daw yachem biang ko ha ka 30 tarik uni u bnai da pyntip u Jaitley.
Also Read: I pynsñiawthooh yei rukom krehkaam ka GST
Discussion about this post