U Montri Rangbah ka jylla, u Conrad K Sangma hawa wan wow embynta lang kam u kongsan ha ka Behdieñkhlam 2024 ka Raij Jowai, da e khublei Behdeiñkhlam u deiwa ong u wa kam ka jylla toh kawa yaleh wow pynneh pynsah ya ka dustur riti neibhah wa man ko kam ka dak wa da tipmit ya i.
Da ong u wa hawa lai i cheiwon cheiwon, ka dustur riti toh kawa emlang bait wa i wei kam ka sorkar da e bait ko yei kyrchaan yow pyntikna wym dooh i yei pyrtuid yong i.
Da e nongmuna u yei e yarap ka sorkar da Rs. 6.5 klur yow pynchna pynmiat ya ka Aitnar ha Jowai wei ym du ini tangwa kiwi leh ki thaw wa emkaam kiwa yatoh waka dustur riti da e yarap bait ka sorkar.
Da pynbna u leh neibynta kiwa chong chnong ka Jowai wa iwi na i kaam wa da sahteiñ wei iwa da dawa da slem bha da ye wow pynbait noh ki heiwa ini wa dep da pynlait ya ka mang tangka kawa Rs. 26 klur yow chna pyndep noh ya ka Iawmusiang Shopping Complex wei ya ka Tender leh daw khut noh ym slem de.
Da yooluti u leh wa ha kini ki 2-3 bnai i kreh leh u sdang noh i.
Da e khublei u leh ya ka Seiñraij Jowai yei e thaw ko yow pynchna yei thaw pynyieñ kari wei hadien wa dep u pynchna daw e kti biang cha ka Seiñraij yow pynlai ko.
Discussion about this post