Pynbna u Conrad ya ka Master Plan kawa Rs. 25 klur yow pynkylla dur ya ka Barik

U Montri Rangbah ka jylla ynne da pynhær u ya ka lama ka ri ha u chrot wa jrong 40 Meter ha Barik, Shillong wei da pynyoo u leh ya ka Master Plan yow pynkylla dur ya kani ka thaw deiwa chna da ka Unity Park i wow leh da ka Urban Affairs Department ka sorkar jylla ha i thaw wa em ka yung krehkaam ka PWD.

Da pyntip u wa yow leh yeini daw pynlut kamwa Rs. 25 klur wei yei kreh daw sdang ha u Naichphaw næ ha u Khonchonglad (Nov) uni u snem.

Da ong u leh wa yeini daw leh khlem da pynthut yeiwa da em naam chwa hadooh ki yung wa da rim wei kani ka Unity Park daw man ko leh kam ka dak wow pynyoo ya ka dustur riti ki Khasi, Pnar, Garo wa kiwi de ki jaitbru wa em hapoh ka jylla.

Da pynbna u leh ya kiwi ki kreh yow pynkylla dur ya ka sor Shillong kiwa da booh por wow pyndep hapoh 12 bnai.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ha kani ka Unity Park da em 3.5 Acre i thaw wow pynemkaam ki paidbah ka jylla najrong ka Pedestrian Plaza, Exhibition Area, Taxi Terminal wa Parking deilang waka Moving Lane, ki thaw dai baam, ki thaw yalehke ya ki khynnah, ki dukan wa kiwi kiwi de.

Ha ini i thaw daw chna pynchkeh ya 9 tylli ki yung kiwa da rim kiwa da em palat 100 snem kiwa pynemkaam ka PWD deiwa ya krehlang waka INTACH (Indian National Trust for Art and Cultural Heritage) yow pynman ki kam ki Tourist Information Centre, ki dukan dai tiar sah kynmoo (Souvenir), ki Cafe wa kiwi de.

Ka INTACH da tipmit ko ya kawi kam ka Grade 1 Building kawa man kawa emkaam bha wow pynneh pynsah kam ka National/Historical Importance Building wa wa 8 tylli ki Grade 2 Building kiwa man kam ki Regional/Local Importance kiwa em ha kani ka PWD Compound.