U Montri Rangbah ka jylla, u Conrad K. Sangma ynne da chimbynta u ha ka Meghalaya State Ex-Servicemen Rally ha Assam Regimental Centre, Happy Valley, Shillong chirup wa u Montri ka chnat GAD, u Sniawbhalang Dhar.
U Conrad da ong u wa kani ka Rally man ko kawa emkaam bha wow pynkhlan yei yajan hapyrdi ki chipai wa dang kreh wa kiwa da chong-ngiah deiwa yaroh ya ki chipai wa da chong-ngiah kamjooh kiwa na ka jylla wa ka thaaiñ mihsngi kiwa da chakri ya ka ri.
Da khana u leh ya ki kaam wa da leh ka sorkar Meghalaya neibynta i bha i miat ki chipai wa da chong-ngiah deiwa pynrap wa ka sorkar u leh ko katwa ye neibynta yong ki.
Da pynbna u leh wa da e thaw neibynta ka ECHS (Ex-Servicemen Contributory Health Scheme) ha Polyclinic, Tura wei ka sorkar da pynlait ko T. 4 klur wow chna ya ka Sainik Rest House ha Shillong heiwa kani ka Sainik Rest House u em ko leh ya ka yung krehkaam u Director of Sainik Welfare kawa kyrpang ya ki chipai wa da chong-ngiah.
Kiwi kiwa da em ha kani ka sngi kynthup ki ya u Air Marshal AP Singh, AVSM, SASO Eastern Air Command, Lt. Gen. K.C Panchanathan, AVSM, GOC 101 Area, Deputy Commissioner East Khasi Hills District, Isawanda Laloo wa kiwi kiwi.
Ha kani ka sngi u Conrad da pynbna u leh wa ka sorkar Meghalaya da pynku ko naka T. 15 lak cha ka T. 20 lak ka poisa yarap ya ki chipai wa yap hawa leh yei kaam yong ki kamjooh leh kiwa tkoh hawa leh yei kaam yong ki.
Da pynbna u leh wa da pynlait nei su ya ka House Tax ki chipai wa da chong-ngiah kiwa sah ha ki thaw ka Municipal ha Meghalaya.
Ka sorkar da pynku ko leh ya ka poisa wa e cha kiwa yoh ya ka Param Vir Chakra naka T. 1 lak cha ka T. 5 lak.
Ha kani ka sngi da saam leh ya ka poisa yarap kawa T. 15 lak cha kiwa hayung u (L) Havildar Hampiar R Marak uwa naka 59 Medium Regiment uwa sah ha Mendipathar uwa da dooh yei mynsien u hawa yada ya ka ri ha u LOC ka Jammu & Kashmir.
