U Deputy Commissioner, East Jaiñtia Hills District da pyntip u wa neidaw wa ku syndet kiwa yoh COVID-19 ha ka ri wei wa da sdang boon kiwa wan uiñ na baar jylla cha ka District man-ka-sngi, kamtæ emkaam wow khang yei poor kani ka khlam.
Neiliang u DC da pynmih noh u da ka hukum ynne ka sngi wow pynduna ya i rukom chong ki bru hapoh kari (Seating Capacity) la ha ki kari kamai næ kari samen hapoh ka District i wow krehkaam chisyndon.
Ki kari wa ye u kit 5 ngut ki bru, u chah du 3 le ngut khlem kheiñlang wa uwa yah (iwa mut waroh 4 ngut), ki 7 Seater wa kiwa ye u chong palat 7 ngut, toh u chong du 5 ngut khlem kheiñlang wa uwa yah (iwa mut waroh 6 ngut).
Ki Local Taxi (Regional) u man i 3 ngut kiwa chong wa uwa yah (iwa mut 4 ngut waroh), ya ki le chaka (Auto Rickshaw) u man i 2 ngut kiwa chong wa uwa yah (iwa man 3 ngut waroh).
Ya ki Bus ym toh u em palat chiteiñ næ 50% kiwa chong.
Da phah leh wow bood thij ya ki kyndon wa da pynmih da ka sorkar neipor cheipor heiyatoh wow yada na ka khlam.
