Pynbna u DC ka EJH ya ki tarik wow pynthymme ya ka Electoral Roll

Khliehriat: U Deputy Commissioner uwa man leh kam u Returning Officer, District Council Election, East Jaiñtia Hills District ha ka khubor wa da pyllait u, da pynbna paidbah wa kat kam ka chithi yong ka Sorkar Meghalaya No.DCA.43/2018/28, Dated: 08.01.2019, daw pynman ya ka Election yong ka District Council deiwa sdang deiwa pynthymme ya ka Electoral Roll ha waroh 9 tylli ki Constituency wa em hapoh ka District wa kynthup ya ka (21-Tuber, 22-Musniang Rngat, 23-Rymbai Khliehriat, 24-Sutnga Narwan, 25-Sutnga Nongkhlieh, 26-Sumer, 27-Saipung, 28-Narpuh wa 29-Bataw Lakadong).

Hapoh ka District u pdiang ya 01-01-2019 kam ka tarik wa da booh ya kiwa dang dap 18 snem yow pdiang ya ki kam kiwa thap Vote. Ka prokram neibynta ka Election wa i pynthymme ya ka Electoral Roll man ki kamni ha wah:

I thmu wow pynthymme ya ka Electoral Roll toh wow pyntikna wa waroh kiwa chong chnong u yoh ki ka hok wow yoh Vote yow em i pyrtuid ha ka Electoral Roll kamjooh leh kitu ki wym em hok de wow thap Vote kam kiwa da khlaad wa kiwa da yut chnong yow pyndam noh yei pyrtuid yong ki. U pynbait yei bakla ya ki pyrtuid, i rta kiwa thap Vote, kam i pyrtuid ki bei ki pa wa kiwi kiwi wa mih ha ki Electoral Roll yow pynbait ya ki hapoh ka Summary Revision.

Ka Draft Electoral Roll yong waroh ki 9 tylli ki Constituency yong ka East Jaiñtia Hills daw booh yow yoh ki paidbah u pait ya ki ha yung krehkaam u Deputy Commissioner, ha Block Office Khliehriat/Saipung wa Range Office (Territorial) Umkiang nadooh ka 12 tarik uni u bnai hadooh ka 22 tarik uni u bnai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki Form neibynta wow thap pyrtuid thymme (Claims) wei wow pyndooh pyrtuid (Objections) wei wow pynbait yeiwa bakla kiwa em ha ka Electoral Roll (Correction) ye wow yoh naka Office kiwa da kdaw ha neiñ nadooh ka 12 tarik uni u bnai.

Daw pdiang ya kini ki Form wa da pyndap ha ki tai ki jooh ki Office hadooh ka 22 tarik uni u bnai.

Ya ka Final Electoral Roll u pynmih ha ka 30-01-19 wei du kiwa mih pyrtuid ha kani ka Roll ki wow ye u thap Vote.

Ya ka yutip wa bniah ye u yoh na ka yungkrehkaam u Deputy Commissioner (Elections), East Jaintia Hills District, Khliehriat ha ki sngi wa man kreh nadooh 10:00 waje i step hadooh 04:30 i janmiet.