Pynbna u DC ka WJH ya ki laad ujor wa ye ki paidbah u leh chaphang ka rukom saam khoo rachon wa kiwi kiwi

Jowai: U Deputy Commissioner (Supply), West Jaiñtia Hills da pyntip u wa ki paidbah lada em ki iwon iwon i ujor heiyatoh ki rukom saam khoo rachon wa kiwi lyngba ka PDS lane lada em ki iyi iyi chaphang kani ka kaam wa pynkrehkaam da Supply Department wa kwah ki u tip yei ki u pynemkaam yaka Grievance Redressal Mechanism deiwa phone ha u Toll free Number 1967 wei wow WhatsApp ha u Number 9402327737.

Da pyntip leh wa da booh ya u District Grievance Redressal Officer wa u Assistant District Grievance Redressal Officer yow yarap ya ki paidbah chaphang kani ka kaam.

Ya ki ujor ye leh u leh lyngba ka Online Complaint lyngba ka Meghalaya Public Grievance Redressal and Monitoring System (MEGPGRAMS) Website deiwa lai ha www.Megpgrams.gov.in. Ye leh u lai haka website ka Department ka http://megfesca.gov.in.