U DC ka West Jaiñtia Hills da pyntip u wa neidaw wa em wa yoh COVID-19 ha Dowel Petrol Pump, Riat Thadlaboh wa sah ha KNB Road, Iawmusiang, Jowai ha i yung Harbiancy Lamar wei neidaw wa em kiwa em hei maa wow yoh ya uni u khñiang ha kini ki ar tylli ki thaw kamjooh yow ye u leh yeiwa emkaam yow booddien (Contact Tracing), Quarantine, Testing wei wow khang kset ya kini ki thaw yow yada nei poor uni u khñiang.
U DC da pynmih hukum u ynne ka 6 tarik yow pynbna yaka Dowel Petrol Pump, Riat Thadlaboh, Jowai wa waroh i yung Harbiancy Lamar, KNB Road, Iawmusiang, Jowai wow man ki kam ki Containment Area yow khang yei psiah i mih khlem yoh bor cha kini ki thaw nadooh 5 waje i step ka 06-09-20 hadooh 5 waje i step ka 09-09-2020.
Ha kini ki thaw da khang ya ki bru paidbah wow psiah cha ki, katwa kiwa em ha kini ki thaw u neh bait ki hapoh yung.
Da khang leh wow pynman ya kiwon kiwon ki yalang paidbah kiwa em ha ini i thaw, u wai ya ki dukan, ki yung krehkaam sorkar, ki yong ki bru samen kiwa em hapoh kini ki thaw hadooh wa pynmih hukum da kamwi.
Ya iwa emkaam daw pynbiang da ki bru ki bor pynlai District.
Kani ka hukum ym em khang ko ya ki wakreh ka chnat i chait i khiah, ki wakreh ka Jowai Municipal Board, ki laad pathai khubor, ki wa i li booh kum LPG.
Kiwa leh pyrchah daw pynchitom katkam ka aiñ Disaster Management Act, 2005 waka IPC.
