Heiyatoh waka Election Lok Sabha 2024 wa da pynbna da ka Election Commission of India heiwa da pynkrehkaam leh yaka Model Code of Conduct.
Neiliang u DC ka East Jaiñtia Hills da pynkrehkaam u da ka Section 144 Cr.PC wei da pynbna u leh ya ki kyndon wym hoi u leh kiwa man kamni ha wah:
Da khang wow thoh u taar, u biah Poster næ kiwon kiwon ki kot kamjooh wow pyntngit pyntaroi deiwa pynyieñ, deiwa booh da ki dur, ki Hoarding, ki Banner, ki lama wa kiwi hapoh u pood u ang ki yung sorkar.
Da khana leh wow booh lama, u booh Banner ha ki yung ki thaw yong ki bru samen khlem da yoh bor na u tre.
Da khang wow booh lama, u biah Sticker ha ki kari ki bru samen tangwa lada leh dei monk i tre kari, ymtoh won u pynthut ki ya kiwi kiwa lai wa wan.
Da khang leh wow booh kiwon kiwon ki lama, ki Sticker wa kiwi kiwi de ha ki kari kamai lait noh hawa kini ki kari toh kiwa pynemkaam yow lai yalap Election deiwa yohbor na u District Election Officer/Returning Officer wei yeini wa yoh bor toh u biah haka yit ka kari nakhmat.
Da khang wow rah kiwon kiwon ki tiar yasiat, ki tiar tympdung hapoh East Jaiñtia Hills District hadood wa kut ka Election tangwa kani ka hukum ym krehkam ko ya ki pulit, ki Home Guards, ki bru ka chnat Forest, ki BSF wa ki bru ka CPMF.
Kani ka hukum u neh ko hadooh wa pynmih da kamwi won.
Discussion about this post