Pynbna u DC ya ki kyndon hawa tih thlu um

U Deputy Commissioner ka East Jaiñtia Hills District da pyntip paidbah u wa ka Supreme Court ka India da pynkylla ko ya ki kyndon yow lait u yap ki khynnah deiwa hap chapoh ki thlu um namo ki Bore Well wa ki Tube Well.

Katkam ki kyndon, ki tre thaw chwa wow tih ki ya ki thlu um, hap ki wow pyntip 15 chwa deiwa thoh cha u DC, ki Dorbar Chnong næ ki chnat sorkar kam ka PHE, Municpal næ kiwon kiwon kiwa pait ya ini i kaam.

Hap leh u pyntipmit namo wow Register ya kiwon kiwon kiwa leh ya ki kaam tih thlu um lada toh ki yong ka sorkar næ ki bru samen deiwa lai pyntipmit ha ki bor District næ kiwon kiwon ki chnat sorkar wa pait yeini.

Hap leh wow booh ya ki Sign Board ha ki por wa tih deiwa thoh bniah ya kiwa emkti wow tih ya ka thlu um kamjooh ki tre deiwa khana leh nadooh ynnu sdang wei mynnu u pyndep yei kreh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Toh u kær leh da ki nar chieh næ da kiwon kiwon ki jait yow khanglaad ya ki bru wow psiah chai i thaw wa tih ya ka thlu um. Hap leh u chna ya ka Platform khyndaw-bilat wa 0.5×0.5×0.60 Meter (wa jrong 0.30 Meter na khyndaw wa 0.30 Meter chapoh khyndaw) kam wow kær soodong ya ka thlu um. Ya ka thlu um toh u tymmoh da ka Steel Plate næ da ka tymmoh wa da pyndait dei miat.

Lada pynchna ya ka Pump, ya ka thlu um ym toh u ieh khlem tymmoh. Hadien wa dep yei kreh lada em iyi iyi wa tih thymme kam ki dooid wa kiwi de, toh u tymmoh noh ki.

Ki thlum wa da ieh khlem da pynemkaam de, toh u pyndap ki da i khyndaw næ da ki moo næ da ki mooria hadooh wa dap ka thlu um wei wow pynman yei thaw kawa jooh man i chwa wow tih ya ka thlu um.

Da e bor ya u DC wow lai pyntikna u wa da bood ya waroh kini ki kyndon.

Ki thlu um wa pynemkaam yong chnong ki wym de u pynemkaam toh leh u pyndap ki kamwa da kdaw haneiñ.

Ha ki thaw wa em cha palatsor, yeini hap wow pait da ki Dorbar Chnong deilang wa ki sahep ka chnat Agriculture katwa ha ki thaw wa em cha sor, yeini hap wow pait da u Junior Engineer wa ki sahep ka chnat Ground Water/ Public Health/Municipal wa kiwi kiwi.

Lada jia wa ieh khlem dep u tih næ chna ya ka thlu um, hap wow yoh Certificate na ki chnat sorkar kam na ka Ground Water/Public Health/Municipal wa kiwi wei ya kini leh hap wow pyndap kamwa da kdaw haneiñ.